Ministerio di GMN a instalá e-nose na algun sitio ku molèster di holó malu
Ministerio di GMN a instalá e-nose na algun sitio ku molèster di holó malu
Willemstad – Na Kòrsou tin vários sitio kaminda habitantenan di molèster permanente di holó malu. Tin situashon ku esaki ta difísil pa proba komo ku kisas ta sierto orario e mal holó ta manifestá. Pa atendé ku e problemátika aki Maneho di Medio Ambiente i Naturalesa di Ministerio di GMN a bini ku e asina yamá e- nose kual por keda instalá na kualkier sitio pa monitoriá posibel holó malu.
E aparato tin e posibilidat pa detektá kualkier holó, analisá komponentenan di e holó i orario ku esaki ta manifestá. Di e forma aki por risibí prueba di e moléster i por sigui ku e proseso di atendé ku e fuente. Resientemente Minister di Asuntunan General enkargá ku Agrikultura, Medio Ambiente i Naturalesa señor Gilmar Pisas a bai den bario pa tuma nota di e atkisishon aki i risibí splikashon di su funshonamentu. Riba potrèt por mira Minister Pisas huntu ku señor Edgarick Jansen di sekshon di Medio Ambiente i kolaboradó di minister señora Vanessa Elisa.
