KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Promé Minister Gilmar Pisas a reuní ku e sindikato sgtk.

Promé Minister Gilmar Pisas a reuní ku e sindikato sgtk.

 

Willemstad – Promé Minister sr. Gilmar Pisas a reuní ku e Sindikato di SGTK dia 23 di yüni 2023.

E direktor di RdK sr. Patrick Newton tambe a keda invitá pa e reunion aki.

 

Durante di e reunion e Sindikato di SGTK a haña e oportunidat amplio pa hasi diferente pregunta ku despues a keda konstestá pa Promé Minister sr. Pisas i tambe e direktor di RdK sr. Patrick Newton.

 

Tabatin preguntanan entre otro riba e kontrato entre RdK i Global Oil Management Group, kua ta e ròl ku Kontratista i nan trahadonan lo bai tin, posishon di trahadonan di Kontratista, struktura, personal i e kontrato ku tin entre CRU i RdK.

 

Sr. Newton a duna splikashon ekstenso riba tur e fasenan ku ta bai traha riba dje i kual ta bai ta tur e responsabilidatnan ku RdK tin den tur e proyekto i/òf aktividatnan ku lo bai tin ku tuma lugá.

Sr. Newton a duna di konosé aserka ku e la yega di sinta varios biaha ku e Sindikato di SGTK pa duna e diferente informashonnan ku ta nesesario na e sindikato aki.

E la indiká tambe ku e lo no bai tin problema pa sigui duna e sindikato informashon ora esaki ta nesesario.

 

E reunion a kana den un ambiente trankil.

 

Leave a Reply

This site uses Akismet to reduce spam. Learn how your comment data is processed.