KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Rozalia Franciska  a bira Starbucks su Barista Champion

Rozalia Franciska  a bira Starbucks su Barista Champion

E lo representá Kòrsou na Costa Rica

 

WILLEMSTAD: Un strea den industria di kòfi ta preparando pa su debut internashonal, despues di a gana e Starbucks Barista Championship 2023 siman pasá na Kòrsou. Rozalia Franciska ta laborá na Starbucks Renaissance Mall, i resientemente a gana e kampionato nashonal, despues di a sobresalí riba tur nivel. E kompetensia a kuminsá den luna di Aprel 2023

Ademas di siña di e trabou i kon pa elaborá un kòpi di kòfi estilo Starbucks, e barista ta siña tokante di servisio na kliente, e trabou ku tin tras di un kòpi di kòfi i muchu mas.  Vários barista a partisipá na e kompetensia e aña aki, demostrando nan abilidat den traha èsprèso (espresso shot pulling), kalentamentu apropiá di lechi (milk steaming), arte ku kòfi (latte art) i inovashon den bebida (beverage innovation). Di e manera aki demostrando tambe nan abilidat, konosementu i ekspertisio. Tambe den e kompetensia tabata Kissairi Bonifacio, Maria Alejandra Stella  i Naomi Gijsbertha Cantillo.

Komo e Kampion na Kòrsou, Rozalia Franciska awor lo pasa pa kompetí kontra di baristanan den region Latinoamérika i Caribe na e final di LAC Barista Championship- tur esaki ku e speransa di keda koroná komo e mihó barista den region! E final di LAC Barista Championship lo tuma lugá dianan 13 pa 16 di novèmber na Hacienda Alsacia, Costa Rica, e área agríkola di Starbucks i lo konektá 24 Starbucks barista di diferente pais. E kompetensia lo tuma lugá na e sede di Agronomia Global situá na Poás, Volcano ménos di 1 ora for di San Jose, kapital di Costa Rica.

 

Leave a Reply

This site uses Akismet to reduce spam. Learn how your comment data is processed.