Promé Minister sr. Gilmar Pisas i alabes Minister enkargá ku Medio Ambiente i Naturalesa a sinta ku un grupo organisá di skolnan di sambuyadó.

 

 

Promé Minister sr. Gilmar Pisas i alabes Minister enkargá ku Medio Ambiente i Naturalesa a sinta ku un grupo organisá di skolnan di sambuyadó.

 

Willemstad – Promé Minister sr. Gilmar Pisas i alabes Minister enkargá ku Medio Ambiente i Naturalesa a sinta ku un grupo organisá di skolnan di sambuyadó i otro representantenan di gruponan ku ta organisá deporte di awa den nos awanan teritorial i laman i tambe representashon di empresanan lokal den e industria di turismó dia 6 yüli 2023.

 

E enkuentro a bai den un esfera positivo kaminda tur hende presente por a duna nan aporte i ideanan na e plan.

Tambe a palabrá kon lo sigui komuniká i traha huntu riba un proyekto ku tin komo e meta prinsipal: reskatá i protehá nos naturalesa bou di awa i tambe nos playanan.

Tin di e representantenan aki tin kasi 30 aña luchando pa keda skucha dor di Gobièrnunan di turno, pa asina duna nan aporte na e importansia di reskatá i protehá nos naturalesa bou di awa.

Esaki ta konta pa tambe pa nos playanan, pa asina nos futuro generashon tambe por gosa di e naturalesa ku nos a i ta gosa di dje.

 

Esaki ta e inisio kaminda minister ta skucha, aktuá i duna espasio pa aporte.

Manera indiká e konsepto di lei ta den fase kaminda e grupo por duna su aporte i sigui interkambiá di idea tokante esaki.

Tambe lo sinta den futuro ku mas grupo i mas ministerio te ora yega na un lei ku tur hende ta riba mesun liña.

E proyekto mester avansá mas rápido posibel, mirando ku tin informashon ku nos naturalesa bou di awa ta konfrontando retonan ku kada dia ta birando aún mas grandi.

 

A palabrá ku e gruponan ku nan ta entregá nan ideanan pa asina kana yega na un dokumento ku por sigui su kaminda.

 

Finalmente Promé Minister sr. Pisas i alabes Minister enkargá ku Medio Ambiente i Naturalesa a palabrá kon lo sigui pa dilanti.

 

Un komunikado más ekstenso ta siguí na momentu ku tin un dokumento ofisial riba mesa.