PROMÉ MINISTER SR. GILMAR PISAS I GOBIÈRNU DI KÒRSOU DEN SU TOTALIDAT TA KONDENÁ KUALKIER AKTO REPUGNANTE I BAHO

Promé Minister sr. Gilmar Pisas i Gobièrnu di kòrsou den su totalidat ta kondená kualkier akto repugnante i baho.

 

Willemstad- Promé Minister sr. Gilmar Pisas i alabes Minister enkargá ku Medio Ambiente i Naturalesa, a haña informashon di Servisio di Inteligensia di Kòrsou ku probabelmente malechornan a kima vehíkulo privá di e Hefe di Servisio Veterinario. Minister, Gobièrnu i komunidat kompletu ta kondená e aktonan repugnante i baho aki i ta hasi un yamada pa un i tur apstené nan mes di kualke tipo di akto kontra di lei.

E yamada ta bai tambe pa un i tur respetá propiedat di kada suidadano.

E echo ku e Hefe di Servisio Veterinario ta un ambtenar i pendiente di un investigashon di loke a sosodé ku e vehíkulo, Gobièrnu a tuma e desishon pa pone protekshon na disposishon di e Hefe.

Esaki ta konta tambe pa e Hefe Suplente ku a trese dilanti ku e tambe ta sintie insigur mirando e último akontesimentu aki.