KOMUNIKADO DI PRENSA 332/2023.
12 yüli 2023.

Detenshon pa falsifikashon.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku investigashon relashoná ku un kaso di falsifikashon, polis a hasi detenshon.
Djamars 11 di yüli 2023 alrededor di 20.25.’or, riba òrdu di Fiskal di Ministerio Públiko,
reshèrshinan di VVC a detené e hòmber sospechoso S.J.C. di 25 aña di edat nase na
Repúblika Dominikana.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.