HURAMENTASHON DI BAVPOL PA CURACAO AIRPORT PARTNERS (CAP)

Minister Shalten Hato

HURAMENTASHON DI BAVPOL PA CURACAO AIRPORT PARTNERS (CAP)
Ayera Minister Hato a huramentá algun buitengewoon agenten van politie (BAVPOL) ku awor por ehersé nan trabou konforme leinan stipulá pa garantisá seguridat di personanan ku ta bishitá nos Airport Hato.
E estudio pa bira BAVPOL na ORV ta ekipá e partisipantenan ku asina yamá ”opsporingsbevoegdheden”. Esaki ta enserá entre otro ku nan por traha prosès verbal i tambe ku nan tin konosementu di sierto leinan.
Den e dekreto ministerial (MB) di kada persona ku título di BAVPOL tin delineá kiko nan mag di hasi den kuadro di mantenshon di orden públiko. Den futuro lo huramantá algun persona mas ku ta empleá na CAP pa asina nan por sigui brinda bon servisio na nos biaheronan i bishitantenan di Airport Hato.