A risibí rapòrt Girobank N.V. i kompartí esaki ku Minister di Finansa di Kòrsou Echonan relashoná ku Girobank N.V. dokumentá

A risibí rapòrt Girobank N.V. i kompartí esaki ku Minister di Finansa di Kòrsou
Echonan relashoná ku Girobank N.V. dokumentá

WILLEMSTAD/PHILIPSBURG – Resientemente, Centrale Bank van Curaçao en Sint Maarten
(CBCS) a risibí e rapòrt di e investigashon tokante Girobank N.V. i a kompartí esaki ku Minister
di Finansa di Kòrsou, Sr. Javier Silvania. E rapòrt ta dokumentá tur echo ku a tuma lugá promé
i durante e areglo di emergensia di Girobank N.V.

Deloitte Forensic & Dispute Services B.V. Nederland a prepará e rapòrt di e investigashon
independiente, riba enkargo di CBCS i Pais Kòrsou. Na òktober di 2020, Deloitte a risibí enkargo
pa ‘investigá e akontesimentunan ku a tuma lugá na Girobank N.V. promé i durante e areglo di
emergensia, inkluso e periodo nèt promé, durante i despues di e bank run’.
Ta trata aki di un rapòrt di echo konstatá, ku no ta ofresé konklushon ni ta duna opinion tokante
karakter di e akshonnan di esnan involukrá. Sin embargo, pa CBCS ta importante ku a hasi un
dokumentashon minusioso di e echonan ku awor CBCS por, i mester, siña for di dje.
Promé ku tur kos, CBCS lo trata e dokumento internamente pa determiná kiko lo ta e siguiente
pasonan.
Willemstad, 27 di yüli 2023
CENTRALE BANK VAN CURAÇAO EN SINT MAARTEN