SUIDADANONAN PREKUPA TA HALA ATENSHON RIBA UN PROBLEMA PA KU SANGURA KU POR WORDU EVITA

July 30, 2023 REDAKSHON

Suidadanonan a hala atenshon di “Kiko Ta Pasnado” riba un situashon hopi prekupante, riba e area di parkeo ku tin na Brieivengat den serkania di SDK.
Suidadanonan ta masha prekupa pa ku e kantidat di tire ku tin pone riba e area di parkeo aki, pa motibu ku nos ta den temporada di horkan i awa seru i ku kada un di e tirenan aki ta un posibel luga pa sangura pone larva aden ku por bira sangura, ku por kousa malesanan di dengue i zika.

Pa basta tempu Gobiernu pa ta mas spesifiko e departamentu di Ministerie van gezondheid milieu en natuur (gmn) a kana rond Korsou kas pa kas pa wak den kura di hende si nan tin artikulonan ku por fangu awa of tene awa aden kamida sangura por pone webu aden, i si tin bakinan ku mester tin awa aden nan mester tin piska aden pa e piskanan por kome e larvanan di sangura.

Nos ta bon na altura ku tur e tirenan ku tin riba e tereno aki ta pa e deporte di Go Kart, e tirenan ta fungi komo indikashon kon e circuit ta hinka den otro pa e pilotonan di e Go Kart nan sa unda nan mester kore. Un deporte masha interesante ku nos ta apoya masha hopi mes. I hopi gusta den komunidat Nada kontra di e deporte aki.
Pero tin un manera mas efikas ku por pone e tirenan pa por hasi e deporte aki sin krea molester di sangura.

Enbes di pone e tirenan drumi riba nan banda di moda ku nan por yena ku awa ora awa seru kai (paso no ta verwacht ku kada bes ku awa kai un hende ta bai i boltu kada tire pa saka e awa ku tin aden), por pone e tirenan para (ora bo uza e tirenan para bo ta uza menos tire tambe, enbes di tres riba otro drumi bo ta uza dos banda di otro para) i yena nan ku tera ya asina e no por yena ku awa. Den area di playa Canoa tin diferente persona ku ta kria bestia i nan a uza masha hopi tire pa sera nan kura (dor di pone nan un riba otro pero para) i nan a hasi esaki dor di pone e tire para i yena esakinan ku tera.

Pero tambe tin circuitnan di Go Kart tambe ku ta uza mesun formula aki di pone e tire para i yena esaki ku tera pa evita e tire pa yenamentu ku awa ku ta peligroso pa e deporte aki tambe na momentu ku tin awa riba pista por kousa aksidente (slipmentu) durante kompetensia. Ta publika algun potret i un video pa mira kon e pista ta aktualmente, i tambe kon e tirenan por ta pone para i yena ku tera.

Video kon e pista ta na Brievengat.