Shofùr di un outu a pèrdè kòntròl riba Kaya Gobernador N Debrot i a bai dal den un palu di lus.

Den oranan di mardugá, awe, 3 di ougùstùs shofùr di un outu a pèrdè kòntròl riba Kaya Gobernador N Debrot i a bai dal den un palu di lus. Komo resultado di e aksidente, e outu a pega na kandela. E viktima a logra sali na tempu for di den e vehíkulo. Personal di ambulans a duna e viktima tratamentu médiko miéntras ku brantwer a kuminsa ku trabounan pa kombatí e kandela.

Algun ratu despues ambulans a transporta e viktima i su pasahero pa hòspital pa tratamentu médiko i brantwer a logra paga e kandela.