TA DRECHA LUSNAN DI TRÁFIKO NA KRUSADA SCHOTTEGATWEG NOORD / SUFFISANTWEG
MINISTERIO KONSERNÍ TRÁFIKO, TRANSPORTE I PLANIFIKASHON URBANO
TA DRECHA LUSNAN DI TRÁFIKO NA KRUSADA SCHOTTEGATWEG NOORD / SUFFISANTWEG
PUBLIKÁ RIBA 03 OUGÙSTÙS 2023
Willemstad – Servisio pa Obra Públiko (OW) ta anunsia ku entrante djabièrnè 4 di ougùstùs lo laga drecha e lusnan di tráfiko na krusada Schottegatweg Noord / Suffisantweg. Trabounan ta kuminsa for di 8.30 di mainta. Ta spera ku e lusnan lo ta bèk den funshon pa otro siman diarason 8 di ougùstùs.
Na momentu ku ta trahando na e lusnan aki, e lusnan di tráfiko na alturá di Schottegatweg Noord/WinstonChurchillweg tambe ta kai afo, debí ku nan ta sinkronisá ku e lusnan na krusada ku Suffisantweg.
Kontratista DCG-SERVICES ta ehersé e trabounan aki. Outo a dal den e poste i esaki a skùr.
OW ta pidi tur outomobilista pa kore ku èkstra koutela na e krusadanan aki, mientras ku ta laga drecha e lusnan di tráfiko.
