Kaso di tiramentu ku herido
KOMUNIKADO DI PRENSA 363/2023.
5 ougùstùs 2023.
Kaso di tiramentu ku herido.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 4 di ougùstùs 2023 alrededor di 23.35’or, Sentral di Polis a dirigí un unidat pa
Kaya Mérida, na unda un hòmber a yega na e kas ei, heridá dor di un arma di kandela.
For di investigashon a sali na kla ku habitantenan di un kas na Kaya Mérida a keda
sorprendé den nan kas, na momentu ku un hòmber ku nan no konosé a bula nan muraya di
kurá i bin kai abou den kushiná di e kas.
E víktima tabatin herida di tiru na e parti ariba di su kurpa i a indiká ku un ratu promé el a
wòrdu tirá.
Debí ku e tabata keha di hopi doló, e no por a duna mas informashon e momentu ei na
polis.
Den besindario di Kaya Monagas polis a bin topa un kashi di bala ku a keda konfiská.
Ku ambulans e hòmber a keda transportá pa Sala di Emergensia di C.M.C. pa risibí
tratamentu médiko.
Investigashon den e kaso aki ta kontinuá.