KOMUNIKADO DI PRENSA 367/2023.
9 ougùstùs 2023.

Entrada hudisial ku detenshon i konfiskashon.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 9 di ougùstùs 2023, alrededor di 06.00’or personal di Divishon di Krímen Organisá
a tene un entrada hudisial na un kas den Rondeklipweg, den kuadro di un investigashon
penal ku ta andando enkonekshon ku un kaso di violashon di lei di droga.
Durante di e entrada hudisial aki a haña i konfiská algun telefòn selular. Na e sitio polis a
detené e hòmber sospechoso J.B.J., nasé na Kòrsou di 35 aña di edat, pa violashon di lei di
droga.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.