NOS SELEKSHON KATEGORIA U-15 TA KETU BAI DEN KONTIENDA PA E 2023 CONCACAF BOY’S UNDER-15 CHAMPIONSHIP!
NOS SELEKSHON KATEGORIA U-15 TA KETU BAI DEN KONTIENDA PA E 2023 CONCACAF BOY’S UNDER-15 CHAMPIONSHIP!
Nos selekshon a hasi un bon trabou durante e 2023 CONCACAF Boy’s Under-15 Championship kaminda nos a sa di gana 2 di nos 3 partidonan di e buèlta preliminar i a kaba komo number 1 den nos grupo ku 6 punto i un saldo di 9 gol na fabor.
Durante nos promé partido nos a sali viktorioso ganando St. Kitts & Nevis ku skor di 7-1, seguidamente nos a gana Boneiru ku skor di 5-0 i durante nos delaster enkuentro nos a kai vensí ku skor di 3-1 kontra Antigua & Barbuda. Ku e resultadonan aki nos ta sigui pa e partidonan di semi final ku lo tuma lugá mañan, 9’or, 11’or, 4’or i 6’or den Stadion Ergilio Hato ku Stadion Rignaal ‘Jean’ Francisca. Nos selekshon U-15 tambe lo mira akshon mañan, ora nos topa Martinique den Stadion Rignaal ‘Jean’ Francisca pa 9’or di mainta.
Tabla di posishon liga B grupo H:
Pais | WG | WE | WP | GF | GK | Saldo | Punto |
Kòrsou | 2 | 0 | 1 | 13 | 4 | 9 | 6 |
Antigua & Barbuda | 2 | 0 | 1 | 6 | 3 | 3 | 6 |
St. Kitts & Nevis | 1 | 0 | 2 | 5 | 11 | -6 | 3 |
Boneiru | 1 | 0 | 2 | 3 | 9 | -6 | 3 |
Awor mas ku nunka nos selekshon mester di tur nan fanatikada den stadion pa nos por bai ku e viktoria i kontinuá ku nos partisipashon den e torneo aki. Un biaha mas nos ta konta ku sosten di henter pueblo di Kòrsou pa bin apoyá nos selekshon nashonal durante e partidonan final, kòrda ku entrada ta grátis!
9 ougùstùs 2023