KOMUNIKADO DI PRENSA 373/2023.
12 ougùstùs 2023.

Insidente ku morto.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 12 di ougùstùs 2023 alrededor di 10.50’or, Sentral di Polis a risibí informashon ku
un persona a kai for di un trapi na un kas situá den kaya Jeje.
Na yegada di polis nan a topa ku un hòmber drumi abou.
For di investigashon preliminar ku polis a hasi na e sitio a resultá ku e hòmber tabata hasi
un trabou na e kas.
Durante di esaki e hòmber aki mester a kai for di un trapi riba su kabes.
Ambulans ku a presentá na e sitio a konstatá ku e hòmber no ta duna señal di bida.
Alrededor di 11.45’or dòkter di polis a konstatá morto di e hòmber, Raishel Narciso Valks
nase na Kòrsou, dia 29 di òktober di 1971.