Aksidente di tráfiko ku herido.
KOMUNIKADO DI PRENSA 382/2023.
15 ougùstùs 2023.
Aksidente di tráfiko ku herido.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 14 di ougùstùs 2023 alrededor di 20.21’or, Sentral di Polis a dirigí un unidat pa
Kaminda Johan M. Statius van Eps, pa un aksidente di tráfiko den kua un peaton ta enbolbí.
Na yegada di e unidat el a bin topa ku un dama ku a dekará na polis ku e tabata kana riba e
kaya ariba menshoná i un outo a dal’é i a sigui kore bai.
Personal di ambulans a wòrdu dirigí pa e sitio ya komo ku e víktima tabata tin un heridá na
su man robes i tambe tabata keha di doló na su èlebog i rudia robes. Despues a transportá e
víktima pa sala di emergensia di C.M.C., pa risibí tratamentu médiko avansa.
Personal di Departamento di Tráfiko ta kontinuá ku e investigashon.

