KOMUNIKADO DI PRENSA 381/2023.
15 ougùstùs 2023.

Detenshon relashoná ku ladronisia di outo.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un kaso di ladronisia di outo ku a tuma lugá den área di Frederickstraat den
luna di yüli 2023 último, tim ku ta investigá ladronisia di vehíkulo a realisá un detenshon.
Kontinuando ku e investigashon, djaluna 14 di ougùstùs 2023 alrededor di 15.15’or, e tim
ku ta investigá ladronisia di vehíkulo, a detené e hòmber sospechoso R.D.B. nase na
República Dominicana di 60 aña di edat.
Detenshon di e sospechoso aki a tuma lugá na warda di Reshèrshi.
A presentá e sospechoso dilanti un fiskal ouksiliar ku despues di interogashon a ordená su
libertat pendiente di mas investigashon.