Detenshon relashoná ku ladronisia di piesa di outo.

KOMUNIKADO DI PRENSA 380/2023.
15 ougùstùs 2023.

Detenshon relashoná ku ladronisia di piesa di outo.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku un kaso di ladronisia di piesa di outo ku a
tuma lugá dia 3 di ougùstùs ultimo den área di Veeris, polis a hasi dos detenshon.
Djaluna 14 di ougùstùs 2023 alrededor di 15.10’or, personal di tim ku ta investigá ladronisia
di vehíkulo a hasi detenshon di e dama A.M.M.J. nase na Kòrsou di 24 aña di edat.
Relashoná ku mesun kaso aki, awe djamars 15 di ougùstùs 2023 alrededor di 09.30’or e tim
di reshèrshi a hasi otro detenshon.Ta trata aki di e homber J.J.A de J. nase na Kòrsou di 31
aña di edat.
Detenshon di ámbos sospechoso a tuma lugá na warda di reshèrshi.
Djaluna 14 di ougùstùs 2023 a presentá e dama A.M.M.J. dilanti un fiskal ouksiliar ku
despues di interogashon a laga e dama den libertat.
Djamars 15 ougùstùs 2023 a presentá e homber sospechoso J.J.A.de J dilanti un fiskal
ouksiliar ku despues di su interogashon a ordená su enkarselamentu pendiente di mas
investigashon.