Komishon Sentral di Parlamento a deliberá ku gerensia di SVB enkuanto e maneho pa ekskluí vitamina i mineral pa aseguradonan di seguro básiko kontra BZV.
Parlamento di Kòrsou
Komishon Sentral di Parlamento a deliberá ku gerensia di SVB enkuanto e maneho pa ekskluí vitamina i mineral pa aseguradonan di seguro básiko kontra BZV.
Djaluna 14 di ougùstùs 2023, Miembronan di Parlamento a bin huntu den un Komishon Sentral pa risibí un presentashon di gerensia di SVB relashoná ku e maneho pa ekskluí vitamina i mineral pa aseguradonan di seguro básiko kontra gastunan di malesa (BZV).
Despues di e presentashon, miembronan di Parlamento a haña e oportunidat pa hasi pregunta relashoná ku e tópiko. Na final di e promé tanda di pregunta, SVB a pidi espasio pa por formulá e kontestanan. Presidente di Parlamento sra. Charetti America-Francisca skòrs e reunion te un próksimo aviso.