NOS SELEKSHON NASHONAL FEMENINO U-14 TA NA ANTIGUA & BARBUDA PA PARTISIPÁ NA E CFU U-14 CHALLENGE SERIES!

 

 

Awe mainta riba 3 buelo separá nos selekshon a biaha pa Aruba di transito pa sigui rumbo pa Antigua & Barbuda pa nos partisipashon na e 2023 CFU U-14 Challenge Series.

Nos selekshon a yega bon i lo kontinuá ku e preparashonnan pa nos promé partido ku lo tuma lugá mañan 18 di ougùstùs 2023 den Stadion ABFA Technical Centre 1, 5 minüt pasá di 2 di mèrdia kontra Guadeloupe.

 

Despues di nos 4 partidonan reglamentario, lo tin e partidonan final riba dianan 26 i 27 di ougùstùs 2023. Preparashonnan ta kontinuá pa nos selekshon logra sali viktorioso di nos promé 4 partidonan i sigui den kontienda pa e final di e torneo aki.

 

CFU ku ta organisá e torneo aki a manda un skema adaptá ku algun kambio den e orarionan di wega i tambe e stadionan ku lo keda usá.

 

Skema liga 2 grupo C adaptá:

 

	Fecha	Oraio	Tim di kas	Bishitante	Stadion
1	18-8-2023	2:05 PM	Kòrsou	Guadeloupe	ABFA Technical Centre 1
2	20-8-2023	11:30 AM	Kòrsou	St. Lucia	ABFA Technical Centre 1
3	22-8-2023	9:00 AM	Martinique	Kòrsou	ABFA Technical Centre 1
4	23-8-2023	11:30 AM	St. Kitts & Nevis	Kòrsou	ABFA Technical Centre 2

 

FFK ta deseá nos selekshon nashonal femenino kategoria U-14 tur klase di éksito durante nan kompromisonan den e 2023 CFU U-14 Challenge Series.