Parlamento di Kòrsou. Komishon Sentral di Parlamento a kontinuá ku deliberashon ku Banko Sentral di Kòrsou i Sint Maarten (CBCS) relashoná ku florin Karibense.

Djaweps 17 di ougùstùs 2023, Miembronan di Parlamento a bin huntu den un Komishon Sentral pa deliberá ku presidente di CBCS sr. Richard Doornbosch relashoná ku e florin Karibense. Durante e reunion, sr. Richard Doornbosch i sr. Alvin Fransisco a duna kontesta riba e preguntanan hasí dor di Miembronan di Parlamento den e promé tanda i kontestá preguntanan di segundo tanda. Tin tambe riba agenda di e reunion aki un deliberashon ku Minister Presidènt i Minister di Finansa riba e tópiko aki. Presidente di Parlamento sra. Charetti America-Francisca a skòrs e reunion i lo sigui ku e deliberashon ku ministernan riba un otro fecha. E reunion di Komishon Sentral aki, ta kontinuashon di un reunion ku a start dia 24 di aprel 2023.