Notisia di polis di djárason 16 di ougùstùs te ku djabièrnè 18 di ougùstùs 2023 / Politieberichten van woensdag 16 augustus tot en met vrijdag 18 augustus 2023

Notisia di polis di djárason 16 di ougùstùs te ku djabièrnè 18 di ougùstùs 2023

Detenshon pa menasa ku morto

Riba djaweps 17 di ougùstùs, alrededor di 7 or di anochi, ‘meldkamer’ sentral a haña notifikashon tokante dos hòmber ku tabata buska problema ku otro na Bario Mamparia Kutu. Na yegada di e patruya a topa ku un hòmber ku un chapi den man ku tabata den diskushon ku un otro hòmber. A konfiská e chapi. Algun ratu despues, a detené e hòmber di inisial B.N.R.R. di 33 aña di edat na Kaya Macario (Cai) Sint Jago pa menasa ku morto. A konfiská e vehíkulo di e sospechoso pa mas investigashon.

 

Ladronisia for di outo

Riba djaweps 17 di ougùstùs a drenta keho di ladronisia for di un outo ku tabata stashoná den Playa. Den oranan di anochi riba djárason 16 di ougùstùs, deskonosínan a bai ku un pòtmòni ku kontenido, koló máron klá di e marka Secrid. E outo no tabata na lòk. Ta investigando e kaso.

 

Detenshon pa ladronisia

En konekshon ku un investigashon relashoná ku un kaso di ladronisia di un tas ku a tuma lugá na un akomodashon turísitiko situá na Bulevar Julio A. Abraham, a detené dos sospechoso pa ladronisia. Riba djárason 9 di ougùstùs a detené un hòmber di inisial B.D.C. di 20 aña di edat i riba djárason 16 di ougùstùs a detené un hòmber di inisial J.R.A.B. di 21 aña di edat. Investigashon den e kaso ta andando.

 

Diferente prosèsferbal pa violashon den tráfiko

Riba djárason 16 di ougùstùs, alrededor di 10 or di anochi a para un vehíkulo riba Kaya Nikiboko Súit. E vehíkulo no tabatin lus di patras i tampoko lus di brek. Despues di kòntròl mas aleu a resultá ku e shofùr no por a mustra dokumentonan di seguro bálido. Pa esaki el a haña un prosèsferbal.

 

Alrededor di 8.30 or di anochi a para shofùr di un skuter riba Kaya Nikiboko Nort pa motibu ku e tabata kore riba karetera públiko sin un plachi di number. Despues di un kòntròl a resultá ku e skuter no tabata segurá tampoko. A bai ku e skuter warda di polis te na momentu ku e doño por mustra un seguro bálido i un plachi di number.

 

Alrededor di 6.30 or di atardi a para shofùr di un quad riba Kaya C.E.B Hellmund despues ku un patruya a señalá e shofùr sin un hèlm bistí. Despues di kòntròl mas aleu a resultá ku e lus di brek tampoko no tabata na òrdu. El a haña un prosèsferbal pa ámbos infrakshon.

 

Den oranan di mèrdia riba djárason 16 di ougùstùs a para shofùr di un skuter na Kaya Gobernador N. Debrot komo ku e tabata manehá sin un hèlm bistí. A dun’é un prosèsferbal pa esaki.

 

Riba djárason 16 di ougùstùs, alrededor di 11.30 or di mainta un patruya ku tabata kore riba Kaya Avelino J. Cecilia, a sinti un holó paresido na mariwana. E holó tabata prosedente for di un outo stashoná kantu di kaminda. Na momentu ku e agentenan a aserká e shofùr, el a deklará ku el a kaba huma mariwana. E agentenan a pasa over mesora pa un kòntròl den kuadro Lei di Opio BES. Durante e kòntròl den e vehíkulo a haña i konfiská un kantidat chikí di mariwana, un mashin pa pisa i un artíkulo pa prosesá droga (grinder). E shofùr no por a mustra un reibeweis bálido tampoko i haña un prosèsferbal pa manehá sin un reibeweis bálido i pa violashon di Lei di Opio BES.

 

Persona ilegal

Den oranan trempan di anochi riba djárason 16 di ougùstùs, un patruya a para un pikòp na Kaya Avelino J. Cecilia pa un kòntròl. Esaki despues ku a señalá e vehíkulo ku lus di brek dañá. Pa esaki e shofùr a haña un prosèsferbal. Durante e kòntròl, e pasahero no por a mustra un prueba di identifikashon bálido. Despues di un investigashon mas aleu a resultá ku e tabata permanesé di forma ilegal riba nos isla. A hiba e sospechoso warda di polis i e pas’é over pa e Departamentu di Supervishon di Estranhero (Vreemdelingen Toezicht) di KPCN. Entretantu e sospechoso a bandoná e isla.

 

Ladronisia di skuter

Den oranan di atardi riba djárason 16 di ougùstùs, a drenta keho di ladronisia di un skuter koló blanku di marka Peugeot, modèl V-Clic, numerá MF-3666. E skuter tabata stashoná na un sitio di stashoná outo na Kaya Boneiru i entre 3 or di mardugá i 2:30 or di atardi riba djasabra 5 di ougùstùs, deskonosínan a bai kuné. Ta investigando e kaso.

 

Aksidente

Riba djárason 16 di ougùstùs, alrededor di 12.30 or di mèrdia, ‘meldkamer’ sentral a haña notifikashon di un aksidente ku skuter ku a tuma lugá na altura di e rotònde riba Kaya Internashonal. Na yegada di e patruya, e shofùr a deklará ku el a kore drenta e rotònde i pa un motibu òf otro el a pèrdè kòntròl i seguidamente a bai kai ku e skuter den un roi kantu di kaminda. Pa e motibu aki, el a resultá heridá i personal di ambulans a trat’é na e sitio mes. E no mester a bai hòspital.

 

Bo a mira algu sospechoso? Yama 715 8000 òf e liña di tep anónimo 9310.

 

Politieberichten van woensdag 16 augustus tot en met vrijdag 18 augustus 2023

Aanhouding bedreiging met de dood

Rond 19:00 uur op donderdag 17 augustus, kreeg de centrale meldkamer melding dat twee mannen probleem met elkaar aan het zoeken waren in Bario Mamparia Kutu. Bij aankomst van de patrouille troffen ze een man met een schoffel in hand aan die in discussie was met een andere man. De schoffel werd in beslag genomen. Iets later werd de 33-jarige man met initialen B.N.R.R. op de Kaya Macario (Cai) Sint Jago aangehouden wegens bedreiging met de dood. De voertuig van de verdachte is in beslag genomen voor verder onderzoek.

Diefstal vanuit auto

Op donderdag 17 augustus werd aangifte gedaan van diefstal vanuit een auto die geparkeerd stond in Playa. Op woensdagavond 16 augustus werd een lichtbruine portemonnee met inhoud, van het merk Secrid, door onbekenden uit de auto meegenomen. De auto was niet op slot. De zaak wordt onderzocht.

Aanhouding vanwege diefstal

Naar aanleiding van een onderzoek in een diefstalzaak van een tas bij een toeristen accommodatie aan de Bulevar Julio A. Abraham, zijn er twee verdachten wegens diefstal aangehouden. Op woensdag 9 augustus werd een 20-jarige man met initialen B.D.C. aangehouden en op woensdag 16 augustus werd een 21-jarige man met initialen J.R.A.B. aangehouden. Onderzoek in deze zaak loopt.

Bekeuringen voor verkeersovertredingen

Op woensdag 16 augustus, rond 22:00 uur werd een voertuig gestopt op de Kaya Nikiboko Zuid. Het voertuig had geen achterlicht en geen remlicht. Bij nadere controle bleek dat de bestuurder ook geen verzekeringsdocumenten kon tonen. Hiervoor kreeg hij een proces-verbaal.

Rond 20:30 uur werd de bestuurder van een scooter gestopt op de Kaya Nikiboko Noord omdat hij op de openbare weg reed zonder een kentekenplaat. Na een controle bleek dat de scooter ook niet verzekerd was. De scooter werd naar het politiebureau gebracht ter bewaring totdat de eigenaar een geldige verzekering en een kentekenplaat kan tonen.

Rond 18:30 uur werd bestuurder van een quad op de Kaya C.E.B. Hellmund gestopt nadat een dienstdoende patrouille de bestuurder zonder helm had signaleerd. Bij nadere controle bleek dat de remlichten ook niet in orde waren. Hij kreeg een proces-verbaal voor beide overtredingen.

Op woensdagmiddag 16 augustus werd de bestuurder van een scooter op de Kaya Gobernador N. Debrot gestopt voor het rijden zonder een helm op. Hij kreeg hiervoor een proces-verbaal.

Op woensdag 16 augustus, rond 11:30 uur, werd door een dienstdoende patrouille die op de Kaya Avelino J. Cecilia reed, een op marihuana lijkende geur waargenomen. De geur was afkomstig van een auto die aan de kant van de weg geparkeerd stond. Op het moment dat de agenten de bestuurder benaderden, verklaarde hij dat hij net klaar was met het roken van marihuana. De agenten gingen direct over naar een controle in verband met de Opiumwet BES. Tijdens het doorzoeken van de voertuig werd een kleine hoeveelheid op drugs lijkende kruiden, een weegschaal en een artikel om drugs te verwerken (grinder) aangetroffen en in beslag genomen. De bestuurder kon ook geen geldig rijbewijs tonen en kreeg een proces-verbaal voor het rijden zonder een geldig rijbewijs en voor het overtreden van de Opiumwet BES.

Illegaal persoon

In de vroege avonduren op woensdag 16 augustus werd een pick-up door een dienstdoende patrouille op de Kaya Avelino J. Cecilia gestopt voor een controle. Dit nadat de voertuig gesignaleerd werd met kapotte remlichten. Hiervoor kreeg de bestuurder een proces-verbaal. Tijdens de controle, kon de bijrijder geen geldig legitimatiebewijs tonen. Na enig onderzoek bleek dat hij zich illegaal bevond op ons eiland. De verdachte is naar het politiebureau gebracht waar hij werd overgedragen aan de afdeling Vreemdelingen Toezicht van het KPCN. Ondertussen is de verdachte uitgezet.

Diefstal scooter

Op woensdagmiddag 16 augustus werd aangifte gedaan van diefstal van een witte scooter van het merk Peugeot, model V-Clic met kenteken MF-3666. De scooter stond geparkeerd op een parkeerplaats aan de Kaya Bonaire en werd op zaterdag 5 augustus tussen 03:00 uur en 14:30 uur door onbekenden meegenomen. De zaak wordt onderzocht.

Aanrijding

Rond 12:30 uur op woensdag 16 augustus, kreeg de centrale meldkamer melding dat er een aanrijding met een scooter had plaatsgevonden ter hoogte van de rotonde op Kaya Internashonal. Bij aankomst van de patrouille verklaarde de bestuurder dat ze de rotonde in reed en voor één of andere reden de macht verloor en vervolgens met de scooter in de riool aan de kant van de weg was gevallen. De bestuurder raakte hierdoor gewond en werd ter plekke behandeld door het ambulancepersoneel. Ze hoefde niet mee naar het ziekenhuis.

Heeft u iets verdachts gezien? Bel 911 of 715 8000 of de anonieme tip lijn 9310