PROYEKTO DESAROYO MARINA PA YATE NA ZAKITO TA BAI KUMINSÁ DEN FASE
MINISTERIO KONSERNÍ TRÁFIKO, TRANSPORTE I PLANIFIKASHON URBANO
PROYEKTO DESAROYO MARINA PA YATE NA ZAKITO TA BAI KUMINSÁ DEN FASE
PUBLIKÁ RIBA 17 OUGÙSTÙS 2023
Willemstad – Ministerio di Trafiko, Transporte i Planifikashon Urbano ta informá ku, riba término korto, ta bai kuminsá ku trabounan di desaroyo di un marina pa yate den área di Zakito.
Riba djabièrnè 12 di mei 2023, Minister Charles Cooper a hasi entrega di diferente pèrmit na e kompania Royal Holding Company II B.V. den kuadro di desaroyo aki. Trabou ta bai kuminsá i nan lo dura aproksimadamente 8 siman, i lo ta repartí den diferente fase. A tene debido kuenta ku diferente pèrmit nesesario, i tin un ámtenar spesialmente apuntá pa tene kòntròl riba tur trabou relashoná ku e proyekto aki.
Gobièrnu, ku ta esun responsabel pa desaroyo di Pais, ta informá ku e trabounan aki ta bai kuminsá denter di un término korto. Pa kada un fase lo informá debidamente kua fase lo inisiá, kiko e ta enserá, i kuantu tempu esaki ta tuma.
