Bringamentu den area di Santa Helena

Den siman tras di lomba tabata tin diferente bringamentu riba prome dia di skol, den Punda un grupo di hoben a disidi den pleno kayanan di punda pa start un bringamentu sin tin kunes ku nigun hende ku ta trafika den kaya nan di punda.

Normalmente nos no sa duna atenshon riba e bagabunderianan aki pero un di e brigamentunan ku a tuma luga den area Santa Helena a hala nos atenshon dor di e abuzo ku a tuma luga riba vianan publiko di Korsou i di un forma intenshonal.

Na parada di bus riba Weg naar Welgelen net prome ku bo yega Nikibokoweg direkshon Rodeweg un bringamentu a start entre dos hoben, unu mas grandi i kurpulento i unu mas chikitu.
Loke ta lanta e gravedat di e bringamentu aki ta pa e motibu ku e hoben kurpa mas grandi intenshonalmente a kuminsa e bringamentu dor di ataka e hoben kurpa mas chikitu i trata na pone ku e bringamentu ta bai riba un kaya hopi transita di moda ku e hoben kurpa mas chikitu por wordu alkansa dor di vehikulonan ku ta pasando riba e kaminda hopi transita aki.
E hoben kurpa mas grandi tabata skop plus bula pa dal e hoben kurpa mas chiki di moda ku e ta kai i keda benta riba kaya ku hopi chen ku un vehikulo lo por alkansa e hoben na un oportunidat e ta dal e hoben kurpa mas chikitu den su kara na altura di su boka pa tolondra esaki i pa e kai riba kaya.

E situashon aki en partikular no ta bai pa ken a kuminsa ku e diskushon ku ta bai termina den bringamentu pero e simple echo ku e hoben kurpa mas grandi i ku mas muskulo por a premira ku e lo vense un hoben kurpa mas chikitu, pero e kos mas grave ta ku e hoben kurpa mas grandi tabata purba intenshonalmente pa un vehikulo alkansa e hoben kurpa chikitu, awor hopi por puntra dikon e pensamentu aki. Simpel, dikon e hoben no a sigui bringa ku e chikitu kantu di kaya, dikon kada biaha ku e hoben kurpa chiki ta lomba pa kaya bo ta atake di moda ku obligatoriamente e tin ku bek i subi kaya. Nos ta kondena bringamentu den su totalidat, kada ken por bin ku nan pensamentu pero dor di analisa e video for di dia ku ela wordu publika i nos a konklui e realidat i awor nos por bisa kiko nos a mira den e video enkuestion aki.