Promé Minister sr. Gilmar Pisas, huntu ku diferente otro minister di Gabinete Pisas II a keda invitá na apertura ofisial di “Didi Deeds Field” dia 18 di ougùstùs 2023 na Tera Kòrá.

Pa e okashon di sake di promé bala a skohe Promé Minister sr. Pisas pa bati e promé bala, Minister di Enseñansa, Siensia, Kultura i Deporte sr. Sithree van Heydoorn komo “Catcher” i komo “Pitcher” pa lansa e promé bala e ruman hòmber di Mariekson Julius “Didi” Gregorius,

sr. Johannes “Jhonny” Gregorius jr.

E tabata un momentu úniko i speshal pa eksperensiá kon e hóben futuro beisbolistanan, den un euforia i animashon total, tabata duna sosten di enkurashamentu na Promé Minister sr. Pisas na momentu ku E tabata na bate.

E hóben beisbolista ku a fangu e bala ku Promé Minister sr. Pisas a dal tabata di e Tim di Sta. Rosa i su nòmber ta Evan Lo-A-Tjong.