FRENSEL BERNADINA I NILDO LUCASIUS DI PRO BISTA A DUNA BON PRESTASHON NA E KAMPEONATO MUNDIAL DI DAM PA PERSONANAN DESABILITA TENE NA POLONIA.

 

 

Djasabra 26 di ougùstùs tabata e final di e kampeonato mundial di dam pa personanan desabilitá ku a keda tené na Polonia. Señores Frensel Bernadina i Nildo Lucasius a partisipá den e kategoria di Personanan Siegu. A pesar ku ambos persona a duna un bon presentashon durante nan wega, den e parti final di nan wega nan ta kai chiki pa finalmente termina na un di 7 i 8 puesto den nan kategoria. Konsiderando e forma ku nan a hunga i tambe nan resultado, di parti di e organisadonan a bai un elogio i un felisitashon grandi pa e 2 hungadonan di Kòrsou, kende ku nan partisipashon den e kampeonato aki a marka historia birando e promé hungadonan, ku no ta di Oropa, ku ta partisipá na e kampeonato mundial pa hendenan desabilitá. Esaki a keda grandemente menshoná durante e seremonia di klousura.

 

Tambe mester menshoná ku durante e kampeonato  aki e organisadonan a tene un torneo di dam rápido habrí riba 25 i 27 di ougùstùs, kaminda tur hende por a partisipa. Sorpresivamente un miembro di e delegashon di Kòsou, ku ta señora Marilyn Vlijt a finalisá na terser lugá den e  kategoria di 60 plus i asina optené un puesto tambe riba pódium di honor. Un pabien ta bai tambe na señora Marilyn Vlijt.

 

Finalmente por bisa ku e partisipashon di e delegadonan di Kòrsou k uta alabes miembro di e organisashon PRO BISTA tabata unu hopi na nivel. E enkuentro aki sigur tabata un bunita eksperiensha di tantu pa lokual ta partisipashon na e torneo di dam  aki meskos ku

nan bishita na Polonia.