Gobierno ta sigui na mesa cu Hulanda, e prioridad ta bienestar di Aruba

Awe dia 1 di September, manera prescribi pa ley, Gobierno di Aruba ta entrega presupuesto  di pais Aruba na Parlamento. Prome Minister Evelyn Wever-Croes a indica cu e presupuesto aki, no solamente ta entrega na tempo sino ta cumpli cu tur e normanan cu a wordo stipula. Hunto cu e presupuesto, tin tambe un  conseho positivo di Caft, y un surplus cu ta permiti pais Aruba paga su debenan.

Pa loke ta e debe di Covid, Gobierno ta sigui na mesa cu Hulanda. Gobierno su prioridad ta bienestar di e comunidad, y ta traha cu alma y curason pa logra yega na e miho solucion pa e pueblo di Aruba.