KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Dos hòmber detené pa atrako.

 

KOMUNIKADO DI PRENSA 412/2023.
3 sèptèmber 2023.

Dos hòmber detené pa atrako.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 2 di sèptèmber 2023 alrededor di 12.08’or, Sentral di Polis a risibí informashon di
un atrako ku tabata tumando lugá den un joyería den Breedestraat Punda. Mesora a dirgí
unidat di Punda na e sítio.
Na su yegada el a bin topa un hòmber drumí abou riba kaya ku herida na su kara, mientras
ku tabatin un skuter tambe bentá abou mei-mei di kaminda.
For di investigashon ku polis a hasi na e sítio a sali na kla ku algun ratu promé un hòmber a
drenta e joyería i bou di menasa a destruí e vitrinanan i bai ku prenda ku tabatin den nan.
Parti pafó di e establesimentu, tabatin un otro hòmber riba un skuter tabata warda e
atrakadó.
Na momentu ku ya nan tabata kla pa hui, un siudadano a frustra e huida dor di ranka e
sospechoso sintá patras for di e skuter, ku e konsekuensia ku ámbos a pèrdè balansa i kai
huntu ku e botin ku nan tabatin den nan poder.
Personanan den besindario a rondoná e sospechoso ku tabata sintá patras i a impedí ku e
por a kore bai. E unidat ku entre tantu a yega, a hasi detenshon di e hòmber sospechoso
D.A.M.C di 33 aña di edat nase na Colombia.
Debí na e slanan ku el a risibí entre otro na su kara, el a keda transportá ku ambulans pa
C.M.C. pa tratamentu médiko.
E otro hòmber sospechoso W.F.A.S. di 53 aña di edat nase na Repúblika Dominicana a
trata di hui na pia, pero no muchu ratu despues a keda detené den Hanch’i Snoa i hibá
warda di reshèrshi.
E botin a keda entregá na propietario di e negoshi mientras ku a konfiská e skuter.
Ambos sospechoso a keda presentá dilanti di un fiskal ouksliliar ku a ordená nan
enkarselamentu pendiente di mans investigashon.

 

 

 

639114718427035"
639114718427035"