KOMUNIKADO DI PRENSA 414/2023.
3 sèptèmber 2023.

Hòmber maltratá.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 3 di sèptèmber 2023 alrededor di 12.11’or, Sentral di Polis a dirigí un unidat
polisial pa un adrès na Dintelstraat, pa un kaso di posibel atrako.
Na yegada di e unidat, un di e habitantenan a konta polis ku un ratu promé algun hòmber a
drenta den nan kas ku arma di kandela.
Dos di nan a keda den sala mientras unu a bai den kamber.
E sospechoso ku a bai den kamber a maltratá e habitante ku probablemente kabu di e arma
di kandela na su kabes i a lòs un tiru.
Despues di un ratu e hòmbernan aki a bandoná e kas.
A konsekuensia di e sla na su kabes, e habitante a sufri un kap ku a keda atendé.
Personal di e Tim Forensiko a keda dirigí na e sítio i huntu ku esun di Atrako ta kontinuá ku
e investigashon.