KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Kaso di maltrato ku arma i detenshon.

KOMUNIKADO DI PRENSA 422/2023.
8 sèptèmber 2023.

Kaso di maltrato ku arma i detenshon.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 8 di sèptèmber 2023 alrededor di 13.23’or, Sentral di Polis a dirigí un unidat
polisial pa un adrès na Bimimisweg, pa un kaso di maltrato.
Na e sítio polis a bin topa ku un hòmber ku diferente kap na altura di su man, pechu i
lomba.
For di investigashon ku polis a realisá a sali na kla ku un ratu promé un hòmber a yega na e
snèk na unda e víktima tabata i a menas’é ku e ta bai bin kap’é.
E sospechoso a bandoná e sítio i djis un ratu despues a regresá ku un machete i a kuminsá
agredí e víktima, ku e konsekuensia ku e último aki a sufri varios leshon.
Polis a detené e hòmber sospechoso S.E.S. nase na Kòrsou di 58 aña di edat, mientras ku e
víktima a risibí tratamentu médiko na dòkter.
Polis a konfiská e machete ku a keda usá durante di e maltrato aki.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

 

639114718427035"
639114718427035"