Aksidente di tráfiko ku morto.

KOMUNIKADO DI PRENSA 428/2023.
11 sèptèmber 2023.

Aksidente di tráfiko ku morto.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 11 di sèptèmber 2023 alrededor di 01.05, Sentral di Polis a dirigí un unidat di warda
di polis di Barber na altura di Martha Koosje, pa un aksidente di tráfiko ku un persona
heridá.
Na yegada di e unidat, el a topa un pikòp di bòltu riba e banda di shofùr.
E shofùr, un hende hòmber ku ainda tabata den e vehíkulo, tabata gravemente heridá i
tabata nesesario pa ekipo di reskate di brantwer yega na e sítio pa sak’é for di e situashon
ku e tabata aden.
Despues ambulans a transportá e víktima ku urgensia pa Sala di Emergensia di C.M.C. pa
tratamentu médiko.
Den oranan di dia, personal di Departamento di Tráfiko a risibí informashon ku e víktima a
fayesé a konsekuensia di herídanan ku el a sufri durante di e aksidente.
Debí ku e proseso pa rekonosé e víktima dor di famia no a tuma lugá ainda, no por duna e
identidat liber.
Investigashon den e kaso aki ta kontinuá.