Parlamento di Kòrsou a sera e Aña Legislativo 2022-2023.

Parlamento di Kòrsou

Parlamento di Kòrsou a sera e Aña Legislativo 2022-2023.
Djaluna 11 di sèptèmber 2023, Parlamento di Kòrsou a bini huntu den un Reunion Públiko pa nan sera e Aña Parlamentario 2022-2023. Tabata un aña ku Parlamento a sigui elevá e órgano di mas haltu di e estado. A introdusí diferente adaptashon, manera ‘Ora di Pregunta’ i ‘Interupshon’. Presidente di Parlamento señora Charetti America-Francisca, na final di e reunion, a duna un rekuento kon e komo Presidente a eksperensiá e aña legislativo 2022-2023 i a sera e Aña Legislativo i a gradisí tur pa nan aporte na e totalidat.
Manera ta kustumber, un dia promé ku apertura di e aña legislativo, Presidente di Parlamento señora Charetti America-Francisca, durante di e rueda di prensa, a duna un resúmen di e reunionnan ku a tuma lugá, i otro trabounan parlamentario.
Alabes señora Charetti America-Francisca a duna un splikashon riba e prosesonan i kambionan ku ta na kaminda, pa Parlamento ta mas serka di Pueblo.
Mañan, djamars 12 di sèptèmber 2023 pa 9or di mainta, lo tin e akto ofishal pa apertura di e Aña Parlamentario 2023-2024.