Minister Shalten Hato BISHITA DI ALTOKOMISARIO DI POLIS HULANDES SR. HENK VAN ESSEN

Djaluna último Minister Hato i su delegashon a risibí bishita di Korpschef di Hulanda, sr. Henk van Essen. Sr. van Essen ta di bishita na e islanan ABC pa asina kòmbersá ku e kuerponan polisial, kolegio di korpschef i tambe e ministernan enkargá ku Hustisia.

A papia entre otro tokante kolaborashon entre Hulanda i Kòrsou riba nivel polisial, reklutashon di polisnan i e desafíonan ku tantu Kòrsou komo Hulanda ta enkontrá den esaki, RST i investigashonnan andando.

Den 2024 sr. van Essen ta bai stòp komo altokomisario i den kuadro di esaki Minister Hato a deseá sr. van Essen tur klase di eksito.