KOMUNIKADO DI PRENSA 436/2023
15 sèptèmber 2023

Atvertensia pa ku kumpramentu di kabritu hòrtá

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Ultimamente polis a bin ta konstatá bastante ladronisia di kabritu riba nos isla. Varios doño
di kabritu a bin ta duna keho òf hasi konosí di ta perdiendo nan bestianan.
Polis pa medio di e komunikado aki ke atvertí tantu empresarionan pero tambe henter nos
komunidat, pa no kumpra kabritu òf karni di esaki, si bo no por mira faktura di e doño di
kabritu i ku no tin un komprobante ku e karni ta di kùr.
Si komo empresario bo a kumpra karni di kabritu òf kabritu serka un persona di kua bo no a
mira faktura òf e persona no ta registrá komo kriadó di bestia, mèldu durante di oranan di
ofisina na Asuntunan Veterinario na Abattoirweg 15.
Aparte ku siudadanonan ta kore rísiko pa ku nan salú den kaso ku konsumí karni ku no ta di
kùr, esun ku ta kumpra sea e kabritu òf karni di esaki sospechando ku e ta prosedente di
ladronisia, ta hasi su mes kulpabel na enkubrimentu.
Na e echo kastigabel aki tin un kastigu di prizòn mará.
Den kaso ku bo tuma nota di òf ta sospechá benta di sea kabritu òf karni di kabritu hòrtá,
tuma kontakto ku polis mesora na 917.