Detenshon relashoná ku maltrato i sekuestro
KOMUNIKADO DI PRENSA 447/2023
20 sèptèmber 2023
Detenshon relashoná ku maltrato i sekuestro
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku un kaso di maltrato i sekuestro ku a tuma lugá awe 20 di sèptèmber 2023 den
oranan di mainta den e área di Ser’i Kandela, personal di e Divishon di Krímen Organisá a
hasi un investigashon bastante intensivo.
E investigashon aki a trese kuné ku un ratu despues, polis a lokalisá tantu e víktima komo e
sospechoso riba tereno di Koral Tabak.
Miembronan di e Tim di Aresto na e sítio a hasi detenshon di e hòmber E.A.M. di 26 aña di
edat nasé na Kòrsou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

