KOMUNIKADO DI PRENSA 448/2023
20 sèptèmber 2023

Detenshon pa violashon di lei di opio

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un investigashon penal ku tabata keda realisá dor di e Divishon di Krímen
Organisá relashoná ku violashon di lei di opio, djárason 20 di sèptèmber 2023 den oranan di
mainta, a tene entrada hudisial na un adrès den John de Poolstraat.
Durante di e entrada hudisial aki polis a bin topa un total di 58 papel di korant doblá
konteniendo pipanan di plèstik ku kokaina i sèn skondé mei-mei di blòkinan.
A konfiská tambe un kantidat di plaka kèsh tantu na dòler komo euro.
Enkonkeshon ku esaki, polis a detené e siguiente sospechosonan:
 E dama S.V.S di 65 aña di edat i e hòmbernan:
 U.M.S. di 39 aña di edat;
 R.R.S. di 41 aña di edat;
 Q.R.V.M. di 15 aña di edat, tur kuater nasé na Kòrsou.
Despues di nan detenshon, tur kuater sospechoso a keda presentá dilanti di un fiskal
ouksiliar, ku a ordená nan enkarselamentu pendiente di mas investigashon.