KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon pa violashon di lei di arma di kandela

KOMUNIKADO DI PRENSA 452/2023
24 sèptèmber 2023

Detenshon pa violashon di lei di arma di kandela

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 23 di sèptèmber 2023 alrededor di 12.22’or, un unidat polisial di Hato tabata
koriendo riba Seru Fortunaweg, na momentu ku el a tuma nota ku un outo di famia a pas’é
ku velosidat haltu i di un forma sospechoso den direkshon kontrali.
Mesora e unidat polisial a lora i kuminsá ku un persekushon tras di e outo aki.
Na momentu ku nan tabata yegando serka, e shofùr a bèk e vehíkulo i dal kontra di un otro
outo ku tabata su tras.
Despues di esei e shofùr sospechoso aki a trata na manda outo riba e polisnan.
Konsekuentemente nan a haña nan obligá na lòs algun tiru dirigí riba tayer dilanti di e outo.
Na e momentu ei e outo a para i a detené e dos hòmbernan okupante di e outo.
Den e vehíkulo polis a bin enkontrá un kantidat di bala skèrpi.
Kontinuando ku e investigashon den e besindario, polis a bin topa kantu di kaya, un revòlver
ku e sospechosonan a benta for di outo durante ku nan tabata trata na hui.
A konfiská e arma di kandela, munishon i e vehíkulo, mientras ku a presentá e duo, e
hòmbernan sospechoso J.M.G. di 44 aña di edat i C.B. 33 aña di edat, ámbos nasé na Kòrsou
dilanti di un fiskal ouiksliliar, ku a ordená nan enkarselamentu pendiente di mas
investigashon.

 

639114718427035"
639114718427035"