Minister Shalten Hato GROUNDBREAKING ‘EPIC AT THE BAYSIDE’

Siman pasá Minister Hato den representashon di Minister Cooper di VVRP a hiba diskurso na e groundbreaking vent di Epic at the Bayside.

Aki un sinópsis di e diskurso di Minister Hato:

Despues ku na luna di mart, e pèrmit di konstrukshon a wòrdu otorgá na “Bayside Development B.V” pa e proyekto “Epic at the Bayside” su promé fase, i awe nos ta akinan huntu pa duna inisio na e trabounan di konstrukshon.

E hotèl luhoso aki no ta solamente un edifisio. Ta un kompromiso pa krea un paraiso Karibeño, un kompromiso pa ofresé lo mehor den hospitalidat i un kompromiso pa e futuro briante di nos industria turístiko. Mi kier ekstendé palabranan di gratitut na tur esnan ku a forma parti di e grupo ku a kombertí e vishon aki den realidat. For di e arkitektonan ku a diseñá e paraiso tropikal aki te na e trahadórnan dediká ku lo kompletá e demas trabounan nesesario.

E hotèl luhoso na Piscadera Bay lo ta un lugá kaminda ku bishitantenan lo por relahá i disfrutá di e bunitesa ku nos isla ta brinda i di trankilidat lokal ku bista magnififiko riba laman. Na nòmber di Minister Charles Cooper di VVRP mi ta deseá boso tur klase di éksito. PABIEN!!