Abuso ku e suidadano humilde mester soportá.

Abuso ku e suidadano humilde mester soportá.

Mi tata tin mas ku un aña ta keña doló di brasa kasi e no por move e brasa.El a pasa 3 angua serka su dòkter di kas i 2 serka spesialista na CMC. El a saka 5 potrèt.

Na aprel porfin e spesialista a mira riba e potrèt ku e wesu parti ariba di e skouder ta kibrá. Awor mester warda fecha pa ópera pa motibu ku tin hopi hende riba lista di operashon.

4 di sèptèmber e mester a ópera, el a pasa henter dia den hospital na CMC. Atardi a bisé ku operashon no ta sigui.
Bai kas i warda yamada pa e siguiente fecha, te awe e ta warda.

Mi mes a bèl CMC diferente bia niun hende no ta kontestá telefon. Djaweps mi a bai CMC pa mi tende zùster bisa ku e tin ku warda te ora ku bèl e. Ora mi a puntra zùster si e ta haña ku loke ta pasando ta normal. E ta kontestámi ku no ta e, ta planifikashon tin hopi hende riba lista.

Miéntras tantu bo ta sigui mira e hende tur dia ta sufri di doló pa kolmo dòkter di kas ta mand’é bebe Paracetamol di 1000 mg 4 x pa dia. Kiermen bebe esei warda bo morto yega.

Awor bisami salú di nos hendenan un ta un prioridat pa atendé ?
Dikon tin ku laga hende sufri tantu asina ?