KOMUNIKADO DI PRENSA 510/2023
23 òktober 2023

Kaso di menasa ku arma i dos detenshon.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 22 di òktober 2023 alrededor di 22.27’or, Sentral di Polis a dirigí un unidat
polisial na Mambo Boulevard, pa un kaso di menasa ku arma.
For di investigashon ku polis a realisá na e sitio a sali na kla ku un ratu promé un hòmber i un dama sospechoso a menasá un personal di seguridat ku ta traha na entrada di e sitio ariba menshoná ku un arma.
Na e sitio polis a detené e hòmber sospechoso C.A.C.C., di 22 aña i e dama S.P.M., di 19
aña ámbos nasé na Colombia, pa e menasa ariba menshoná.
A presentá ámbos sospechoso dilanti di un fiskal ouksiliar ku a ordená nan enkarselamentu pendiente di mas investigashon.