KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

18 kolaboradó di Warda Kosta lo start ku estudio di ‘Buitengewoon Agent van Politie’ na ORV

WILLEMSTAD – Djaluna, 23 di òktober 2023, Opleidingsinstituut Rechtshandhaving &
Veiligheidszorg (ORV) a risibí un klas di Buitengewoon Agent van Politie ku studiantenan di
Warda Kosta. E studiantenan a keda introdusí, nan a risibí informashon i a sera konosí ku personal i e departamentunan di ORV. 19 studiante lo partisipá na e opleiding ku ta dura 12 luna. Despues di un introdukshon dor di guiadó di klas sr. Audy Muller, tabatin palabra di Hefe interino di Specialistische Opleidingen en Leiderschapstrajecten (SPOLT) interino sr. Jowenny Troeman. Despues di introdukshon a sera konosí ku e grupo a sigi ku un rekorido na ORV. Ta start ku e lèsnan djamars 7 di novèmber 2023.
Klas Buitengewoon Agent van Politie 2023-II (BAVPOL 2023-II) ta konsistí di 19 studiante di
Kustwacht Aruba, Kòrsou i Sint Maarten.
E opleiding ‘Buitengewoon Agent van Politie’ ta kapasitá e trahadó di e servisionan menshoná ku ta traha den seguridat i órden públiko pa loke ta trata area di trabou di e servisio. E kursistanan ta alsa nan nivel di investigashon i trahamentu di prosès-verbal despues ku nan terminá e estudio. E kolaboradónan ta risibí lès den e materianan inleiding Recht, Strafrecht,
Strafvordering, Staatsrecht, Profesionele Gespreksvoering, Beroepsethiek, Rapporteren,
Praktisch Optreden, Ambts en Geweld Instructie, Proces-verbaal i otro materianan den kuadro di e trabou ku e grupo menshoná ta traha, den e kaso aki Warda Kosta.
ORV
ORV ta sigui ku desaroyo di kurso, estudio i workshop pa alsa nivel di miembronan di Kuerpo
Polisial Kòrsou i instansianan ku ta traha den area di mantené órden públiko i protehá
komunidat di Kòrsou. Nos lo sigui ku proyektonan pa edukashon i formashon di miembronan di kuerpo-/instansianan ariba menshoná pa kombatimentu di kriminalidat ku efisiensia.
Share this page to Telegram

Leave a Reply

This site uses Akismet to reduce spam. Learn how your comment data is processed.

%d bloggers like this: