NOS SELEKSHON NASHONAL FEMENINO TA KLA PA ENFRENTÁ CAYMAN ISLANDS DURANTE NOS PROMÉ ENKUENTRO DI E CONCACAF WOMEN ROAD TO WORLD CUP 2023!
NOS SELEKSHON NASHONAL FEMENINO TA KLA PA ENFRENTÁ CAYMAN ISLANDS DURANTE NOS PROMÉ ENKUENTRO DI E CONCACAF WOMEN ROAD TO WORLD CUP 2023!
E DIA A YEGA!
Tur kos ta kla pa nos selekshon nashonal femenino senior su promé partido di e CONCACAF Women Road to World Cup 2023 kaminda nos lo topa e selekshon di Cayman Islands. E partido aki lo tuma lugá mañan 26 di òktober 2023 den Stadion Truman Bodden Sports Complex pa mitar di 5 di atardi aya na Cayman Islands.
Awe nos selekshon ta tin su último seshon di training ku a bai hopi bon. Nos hungadónan ta mentalmente i físikamente bon prepará pa saka nos kara mañan atardi.
Despues di nos partido di mañan nos selekshon lo regresá Kòrsou djasabra binidero pa sigui prepará pa nos segundo enkuentro di a kampionato aki.
E partido aki lo tuma lugá na kas, djaluna 30 di òktober binidero pa 8’or di anochi den Stadion Rignaal ‘Jean’ Francisca. Pronto karchinan lo ta optenibel na balor di fl.10 pa adulto miéntras mucha di 6 te ku 12 aña i 60+ ta paga solamente fl. 5,-.
Nos selekshon ta enfoká i desidido pa bai ku e viktoria durante nos promé partido di CONCACAF Women Road to World Cup 2023 na Cayman Islands.
FFK ta deseá nos damanan tur klase di éksito i tin sigur ku nan lo sa di hasi un bon trabou!
