KOMUNIKADO DI PRENSA 514/2023
28 òktober 2023

Kontròl di tráfiko

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 27 di òktober 2023, personal di e wardanan di polis di Rio Canario, Otrobanda,
Punda, Departamento di Tráfiko i U.S.T. den kolaborashon ku Kmar a tene kontròl di tráfiko
general i dirigí riba konsumo ekseso di alkohòl mientras ta manehá un vehíkulo.
E kontròl aki a tuma lugá riba Winston Churchillweg na altura di warda di polis prinsipal.
A kontrolá 180 vehíkulo i a repartí 118 prosès verbal pa e siguiente infrakshonnan.
Manehá un vehíkulo sin:
 Faha di seguridat bistí;
 Karchi di kùr bálido;
 Reibeweis bálido;
 Seguro bálido;
 Plachi di number dilanti;
 Impuesto di vehíkulo pagá
Manehá un vehíkulo mientras ku:
 E winshil dilanti ta di plak;
 Ta papiando na telefòn.
1 vehíkulo a keda transportá bou di kondishon.
A hasi tèst di alkohòl ku un shofùr i esaki a sali negativo.
E kontròlnan aki ta kontinuá.