NOS SELEKSHON NASHONAL FEMENINO TA KLA PA NOS SEGUNDO PARTIDO DI E CONCACAF WOMEN ROAD TO GOLD CUP 2023 KONTRA ANGUILLA!
NOS SELEKSHON NASHONAL FEMENINO TA KLA PA NOS SEGUNDO PARTIDO DI E CONCACAF WOMEN ROAD TO GOLD CUP 2023 KONTRA ANGUILLA!
E DIA A YEGA!
Nos selekshon nashonal femenino senior ta kla pa nos segundo enkuentro di e CONCACAF Women Road to Gold Cup 2023 kaminda nos lo enfrentá Anguilla. E partido aki lo tuma lugá mañan 30 di òktober 2023 den Stadion Rignaal ‘Jean’ Francisa pa 8’or di anochi. Portanan ta habri for di 6’or di atardi, yega trempan pa bo no keda áfo!
Awe nos selekshon lo tin su último seshon di training den Stadion Rignaal ‘Jean’ Francisca pa ta kla prepará pa nos bolbe bai ku e viktoria mañan.
Mañan, karchinan ta optenibel na ofisina di FFK for di 9’or di mainta i 6’or di atardi e lokètnan di Stadion Rignaal ‘Jean’ Francisca ta habri pa kontinuá ku e benta.
Preis pa entrada ta na balor di fl.10 pa adulto miéntras mucha di 6 te ku 12 aña i 60+ ta paga solamente fl. 5,-.
Nos damanan ta konta ku e apoyo i sosten di henter pueblo di Kòrsou pa nos logra bai ku e viktoria un biaha mas, na kas, den Stadion Rignaal ‘Jean’ Francisa.
Un tabla lo bula mañan den stadion ora nos selekshon femenino senior topa kara kara ku Anguilla durante nos segundo enkuentro di e CONCACAF Women Road to Gold Cup 2023!
Nos ta topa den stadion!
29 òktober 2023
