KÒNSÙL GENERAL HULANDES NA MERKA DI BISHITA NA FFK!

 

KÒNSÙL GENERAL HULANDES NA MERKA DI BISHITA NA FFK!

 

 

Den e siman tras di lomba direktiva di FFK a risibí bishita di Sra. Emmerink, kònsùl general di Hulanda na Miami. Durante e bishita aki Sra. Emmerink a sera konosí i reuní ku algun miembro di direktiva di FFK. Durante e kòmbersashonnan aki Sra. Emmerink a mustra e disponibilidat pa fungi komo intermediario entre FFK i posibel persona o instansianan ku ta interesá pa invertí den futbòl lokal. Esaki mirando ku tin interes i oportunidat tantu na Merka komo Hulanda pa invertí den futbòl aki na Kòrsou.

Despues di e reunion ku direktiva, Sra. Emmerink a haña un rekorido rondó di e fasilidatnan di FFK i a haña un splikashon i un mihó bista di nos infrastruktura.

Na final di e rekorido Sra. Emmerink a risibí un bunita rekuerdo di parti FFK komo muestra di apresio pa e bishita aki. FFK ta spera di por mantené lasonan estrecho ku Sra. Emmerink, kònsùl general na Miami i ku pronto lo por kosechá frutanan di e relashon aki, pa desaroyo di futbòl na Kòrsou.

 

10 yanüari 2022

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: