Kontrol i medidanan kontra establesimentunan.

KOMUNIKADO DI PRENSA 197 / 2020
10 mei 2020
Kontrol i medidanan kontra establesimentunan.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Polis huntu ku MEO a subi kaya pa atendé ku entre otro ku doñonan di establesimentunan
ku no tabata tene nan mes na e reglanan di pèrmit i esnan anunsiá pa gobièrnu den e mas
resien dekreto ministerial publiká.
Tambe a atendé ku aglomerashon na e sitionan aki i a kontrolá violashon di ora di sera di e
establesimentunan aki.
A kontrolá un total di 31 establesimentu di pèrmit, di kua 16 di nan tabatin tur kos na òrdu.
Seis (9) establesimentu a risibí un atvertensia pa diferente inkumplimentu i algun a wòrdu
sera pa 3 dia.
Algun di e inkumplimentunan aki tabata p.e. violá ora di sera, faltamentu ku regla di higiena
ets.
E establesimentunan ku a wòrdu será aki, por habri bek te djárason 13 di mei próksimo.
Si resultá ku despues di kontrol e mesun establesimentunan ta den inkumplimentu atrobe,
nan lo wòrdu sera pa tempu indefiní.
Na 19 sitio polis mester a atendé ku grupo di personanan riba aglomerashon i no tene nan
mes na distansia sosial.
Polis ke bolbe atvertí ku e orario di ‘Toque de queda” ta di 9’or di anochi pa 6’or di mainta.
Durante di e periodo ta únikamente personanan ku tin eksonerashon pa kore durante di e
orario ei i esnan ku mester atendé situashonnan di urgensia por ta riba kaya.