KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Invitashon pa seshon di Kambio di Klima den bo Bario: Bonam.

 

 

Invitashon pa seshon di Kambio di Klima den bo Bario: Bonam.

 BONAM, Kòrsou – 2 di novèmber, 2023 –Ta hasi un yamada na tur habitante di Bonam i bisindario pa partisipá na e promé seshon di Kambio di Klima den bo Bario ku lo tuma lugá dia 4 di november 2023, di 14:00 pa 16:00, na Sentro di Bario Bonam.

Curaçao Climate Change Platform, den estrecho kolaborashon ku Unidat di Bario i Amigu di Tera ta lansa e programa “Kambio di Klima den bo Bario”. Durante e seshonnan di Kambio di Klima den bo Bario, lo diskutí asuntunan relashoná ku e impakto di e kambio di klima na Kòrsou i ta atendé asuntu spesífiko ku ta di importansia pa e bario ku ta na turno. Den e kaso aki, e seshon ta trata e Bario di Bonam i bisindario.

E programa pa dia 4 di novèmber próksimo ta:

14:00 – 14:45: Konosé mi bario

Durante e promé parti di e seshon lo skuchá eksperiensianan i perspektivanan di e komunidat di Bonam i bisindario.
14:45 – 15:15: Presentashon Kambio di Klima na Kòrsou

Lo tene un presentashon informativo tokante e situashon di kambio di klima na Kòrsou i kon e ta afektá nos barionan ku e enfoke riba Bonam i bisindario.
15:15 – 16:00: Workshòp desaroyá akshon di mi barrio

Durante e workshòp aki, lo bai traha huntu pa identifiká akshonnan konkreto ku por kontribuí na mehorá partinan di Bonam i asina minimalisá e efekto ku kambio di klima por tin den e bario aki. Un ehèmpel di esaki por ta ku komo grupo ta skohe pa bai planta mata un kaminda den Bonam ku tin nesesidat pa krea sombra kual ta nesesario pa motibu di kalor/ sekura.

E seshon ta tuma lugá na Sentro di Bario Bonam. Pa partisipá, por inskribí dor di manda un mail na secretariat.cccp@meteo.cw òf bishitá e página di Facebook di Meteo i skèn e QR-code.

Curaçao Climate Change Platform, Unidat di Bario i Amigu di Tera ta invitá tur hende di bario di Bonam i bisindario pa bini i partisipá na e seshon aki p’asina nos por hasi un diferensia positivo den nos komunidat i protehá nos bario pa futuro generashonnan. Bo ta kla p’e?

#KambioDiKlimaBonam #ProteháNosBario #SostenibilidatBarioBonam #Kòrsou #CuracaoClimateChangePlatform #BoTaKlaPe

639114718427035"
639114718427035"