Polis trahando pa solushoná ladronisia di kabritu
KOMUNIKADO DI PRENSA 520/2023
4 novèmber 2023
Polis trahando pa solushoná ladronisia di kabritu
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Polis di Barber i e tim di reshèrshi ku ta stashoná na warda di polis Barber ta investigando
un kaso di ladronisia di kabritu ku a tuma lugá den oranan di mardugá di dia 2 di novèmber
2023 for di un adrès na Barber.
Malechornan a bai ku no menos ku 13 kabritu di e rasa Boergoat ku tin un balor di mas ku
10 mil florin.
Ya kaba e tim enkargá ku e investigashon a bishitá diferente adrès i ta trahando duru pa por
yega na solushon di e kaso aki.
Alabes polis ta pidi koperashon di komunidat pa esnan ku ta disponé di informashon
tokante di ladronisia di e kabritunan aki, pa tuma kontakto ku polis na e numbernan di
telefòn 917, 7246900 òf 108 si bo ta deseá na keda anónimo.

