PREPARASHON PA PREKARIO KARNAVAL 2024 A KUMINSÁ

Willemstad – Tim di Prekario pa Karnaval 2024 a kuminsá ku trabounan di preparashon pa pueblo di Kòrsou por registrá i paga pa prekario 2024.

 

Registrashon pa prekario ta inisiá dia 20 di novèmber i ta tuma lugá segun sekshon:

• Sekshon A di Venezuelaweg te ku MirlaPlateweg por registrá entre 20 pa 24 di novèmber,
• Sekshon B di Mirlaplateweg te ku Missouriweg por registrá entre 27 di novèmber te ku 1 di desèmber
• Sekshon C di Missouriweg te ku Charoweg por registrá entre 4 pa 8 di desèmber
• Sekshon D di Charoweg te ku Brionplein por registrá entre 11 pa 15 di desèmber.

 

Ta hasi un apelashon pa tur hende registrá segun nan sekshon i periodo indiká. Pues registrashon no a habri ainda i Tim di Prekario lo informá ora ta asina leu.

 

Pa tur persona ku no tabata tin un sitio komo prekario durante Karnaval 2023, lo tin oportunidat pa subi e lista di espera. E lista di espera lo ta habri dia 20 di novèmber te ku 15 di desèmber. Den yanüari lo manda un mail pa tur persona ku ta bin na remarke pa un sitio konforme e órden di e lista di espera.

 

Registrashon por tuma lugá kompletamente online. Tur kliente ku registrá ta risibí un e-mail ku instrukshon pa registrashon i pago. Un kliente ku no risibí mail, por manda un email na info.prekario@gobiernu.cw òf por whatsapp na number +5999 5113874. Por hasi uso di e mail i whatsapp aki tambe pa pregunta general.