KOMUNIKADO DI PRENSA 532/2023
12 novèmber 2023

Trio detené pa violashon di lei di arma di kandela

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Den oranan di mardugá di djasabra 11 di novèmber 2023, alrededor di 02.40’or, unidatnan
di U.S.T. warda di polis Punda i V.K.C. a ehersé kontròl general den Skalo, den kuadro di
mantenshon di òrdu públiko.
Durante di e kontròl aki, e unidatnan a mira tres hòmber krusa kaya lihé, aktuando
sospechoso na momentu ku nan a mira outoridat.
Por a nota ku un di nan tabatin un opheto huntu kuné i esei tabata motibu pa a para e tres
hòmbernan aki i kontrolá nan.
Durante di kontròl a bin topa un di e hòmbernan aki den poseshon di un arma di kandela ku
balanan skèrpi ‘hollow point’.
A konfiska e arma i e balanan, mientras ku na e sitio mes a detené e trio sospechoso”
 J.E.E. di 21 aña di edat;
 H.S.H. di 47 aña di edat;
 M.R. di 36 aña di edat, tur tres nasé na Kòrsou.
A presentá e trio dilanti di un fiskal ouksiliar ku a ordená su enkarselamentu pendiente di
mas investigashon.